Almatyda Keden odaǵyn qalyptastyrýdyń birinshi kezeńiniń nátıjelerin tanystyrýǵa arnalǵan dóńgelek ústel jıyny ótip jatyr
trong>. Maýsymnyń 9-y. QazAqparat /Erlik Erjanuly/ - Keden odaǵyn qalyptastyrýdyń kelisim bazasy qazirigi tańda 51 halyqaralyq kelisimnen turady. Ony Ekonomıkalyq damý jáne saýda mınıstri Janar Aıtjanova búgin osynda ótip jatqan Keden odaǵy týraly dóńgelek ústel jıynynda aıtty,
dep habarlaıdy QazAqparat.
Bul basqosý Keden odaǵyn qalyptastyrýdyń 1-shi kezeń qorytyndysymen bıznes qoǵamdastyqty tanystyrýǵa arnaldy. Ony Ekonomıkalyq damý jáne saýda mınıstrligi men QR Saýda-ónerkásip palatasy birlesip uıymdastyrdy. QR Saýda-ónerkásip palatasynyń prezıdenti Erlan Qojasbaıdyń aıtýynsha, mundaı dóńgelek ústel jıyndary buǵan deıin Aqtóbe, Shymkent, Óskemen jáne Kókshetaý qalarynda ótti.
"Keden odaǵynyń normatıvtik bazasyn negizgi 3 toppqa bólýge bolady. Olar - úshinshi elge qatysty Keden odaǵynyń biryńǵaı saýda júıesi, úshinshi elderge qatysty tarıftik emes sharalardy retteý jáne ınstıtýttyq toptar. Keden odaǵynyń normatıvtik bazasy halyqaralyq kelisimderge negizdelgen. Olar zań boıynsha ár eldiń Parlamentinde talqylanyp, bekitiledi", deıdi Ekonomıkalyq damý jáne saýda mınıstri Janar Aıtjanova. Onyń sózine qaraǵanda, shildeniń 1-inen bastap Qazaqstan men Reseıde biryńǵaı áreket etip, biryńǵaı kedendik aýmaq qalyptasatyn bolady. Al Belarýs buǵan daıyn bolǵan kezde qosylady.
