Almatyda Qazybek bı kóshesinde jol qozǵalysy shekteledi
ALMATY. QazAqparat - Almatyda Qazybek bı kóshesindegi jol qozǵalysy ýaqytsha shekteldi, dep habarlaıdy QazAqparat tilshisi.
«Almaty jylý jelileri» AQ habarlaýynsha, ýaqytsha qolaısyzdyqtar jol boıyndaǵy magıstraldy jylý jelisin josparly jóndeýmen baılanysty.
Jolaýshylar Qazybek bı kóshesin Tóle bı men Áıteke bı kósheleri arqyly aınalyp óte alady.
Almatydaǵy ınjenerlik jelilerdi jóndeý kezinde tozyǵy jetken qubyrlar alynyp, ornyna zamanaýı qubyrlar qoıylady. Bul is qaladaǵy apatty jaǵdaılardyń aldyn alý úshin qolǵa alynyp otyr.
Sonymen qatar, ákimdik qubyr aýystyrý protsesi qalalyqtardyń jylýmen qamtylýyna esh kesiri tımeıdi dep ýáde berip otyr.
