Almatyda Qazposhtanyń ortalyq keńsesi tonaldy
ALMATY. 19 naýryz. QazAqparat - Almatyda Qazposhtanyń ortalyq keńsesi tonaldy. Bul týraly QazAqparat tilshisine Almaty qalasy boıynsha ІІD basshysynyń baspasóz hatshysy Ermek Boltaev aıtty.
Onyń aıtýynsha, keshe kezekshi pýltine Qazposhta keńsesine qaraqshylyq shabýyl jasalǵany týraly habar kelip tústi.
«Anyqtalǵandaı, betterine betperde kıgen eki er kisi Qazposhta ortalyq keńsesin tonaǵan. Bógenbaı batyr kóshesinde ornalasqan ǵımaratqa olar erkin ený jolymen kirgen jáne kúshpen qorqytyp, 46 jastaǵy kúzetshini skotchpen baılap tastaǵan. Osydan keıin elektr aranyń kómegimen Qazposhta qyzmetkerlerine jalaqy beretin termınaldy ashady, aqshany urlap, qashyp ketedi. 179 baptyń ekinshi bólimi «Qaraqshylyq shabýyl» boıynsha qylmystyq is qozǵaldy. Qylmyskerlerdi izdeý júrgizilýde», - dep qosty E.Boltaev.
