Almatyda "Qazkommertsbank" tutynýshysyna qaraqshylyq shabýyl jasaǵandar sottaldy
ALMATY. 16 mamyr. QazAqparat /Erbol Azanbek/ - Almaty qalasynyń aýdanaralyq mamandandyrylǵan soty "Qazkommertsbank" tutynýshysyna qaraqshylyq shabýyl jasaǵan qylmystyq top ókilderine úkim shyǵardy.
Esterińizge sala keteıik, oqıǵa ótken jylǵy 16 mamyrda bolǵan edi. Dostyq pen Qajymuqan kósheleriniń qıylysynda ornalasqan bank bólimshesinen 57 mln. teńge alyp shyǵyp, kóligine otyra bergen bank tutynýshysyna eki adam shabýyl jasaǵan. Tekserý nátıjeleri M.Shahbazov, E.Alıev esimdi eki qylmyskerdi, sondaı-aq olarǵa kómek kórsetken bank qyzmetkeri Marına Ibragımova ekendigin anyqtady. Marına Ibragımova banktiń bólimshe bastyǵynyń sózin tyńdaý arqyly, sol kúni iri sýmma alynatyndyǵyn bilgen. Kelesi kúni SMS habarlama arqyly sybaılastaryna tutynýshynyń túr-tulǵasyn, aqsha alynatyn, bankten shyǵatyn ýaqytyn habarlaǵan.
Sot M.Ibragımovany 9 jylǵa sottaý týraly úkim shyǵardy. Onyń qos sybaılasy - D.Shahbazov - 11 jylǵa, E.Alıev - 10 jylǵa sottaldy.
