Almatyda qazirgi zamanǵy bılerdiń 5-shi ortalyqazııalyq festıvali bolady
ALMATY. 25 sáýir. QazAqparat /Erlik Erjanuly/ - Sáýirdiń 29-30 kúnderi A.V. Seleznev atyndaǵy Almaty horeografııa ýchılışesinde qazirgi zamanǵy bılerdiń 5-shi ortalyqazııalyq festıvali ótedi.
Ony «Qazirgi zamanǵy horeografııa ortalyǵy» qoǵamdyq qory Qazaqstandaǵy AQSh Elshiligi men Gete ınstıtýtymen seriktesip uıymdastyryp otyr. Festıval kezinde óner súıer qaýym jańa 15 qoıylymdy tamashalaıdy dep josparlanýda. Onda Gúlnar Adamovanyń «Samuryq» trýppasy men Vashıngtonnyń Krıstofer Morgan jetekshilik etetin «City Dance» bı kompanııasynyń birlesken qoıylymy bolmaq. Amerıkandyq horeograf jáne solıst K. Morgan «Qum saǵaty» dep atalatyn bul qoıylymdy 2 aptalyq yntymaqtastyq kezinde ózi oılap taýyp, ony Qazaqstandaǵy AQSh Elshiliginiń qoldaýymen júzege asyryp otyr. Onda sondaı-aq, ápkeli-sińlili ǵabbasovalardyń «Gabbasov Sisters Company» dep atalatyn bı teatr-stýdııasynyń tusaýy kesilmekshi.
