Almatyda qazirgi zaman oqýlyǵyn daıyndaý týraly halyqaralyq ǵylymı-tájirıbelik konferentsııa ótip jatyr
qpannyń 11-i. QazAqparat /Erlik Erjanuly/ - Búgin Almatyda "Jańa aqparattyq-kommýnıkatsııalyq ortada qazirgi zaman oqýlyǵyn daıyndaýdyń jáne oqý kitabyn basyp shyǵarýdyń ózekti máseleleri" degen taqyrypta halyqaralyq ǵylymı-tájirıbelik konferentsııa óz jumysyn bastady,
dep habarlaıdy QazAqparat.
"Konferentsııa jumysynyń qorytyndysy boıynsha jańa aqparattyq kommýnıkatsııalyq ortada qazirgi zaman talabyna saı sapaly oqýlyq ázirleý jóninde kóptegen usynystar bolady dep oılaımyn. Bul máselege baılanysty Memleket basshysynan bastap árbir otbasyǵa deıin muqııat kóńil bólýde", deıdi Bilim jáne ǵylym mınıstri Janseıit Túımebaev.
Bul sharany QR Bilim jáne ǵylym mınıstrligi, "Oqýlyq" respýblıkalyq ǵylymı-tájirıbelik ortalyǵy jáne Qazaqtyń Abaı atyndaǵy ulttyq pedagogıkalyq ýnıversıteti birigip uıymdastyryp otyr. Qazaqstan, Qyrǵyzstan, Belarýs jáne Reseıden bes júzden astam adam qatysady dep josparlanǵan bul konferentsııa jumysy úsh kúnge sozylmaq. Ol "Qazirgi zaman oqýlyǵyn daıyndaý máseleleri: naqty jáne qoldanbaly baǵyttar", "Elektrondyq oqýlyq, oqý ádebıetteri júıesindegi onyń orny jáne oqytý quraldary", "Oqý kitaptaryn shyǵarý máseleleri: oqýlyqtardy baspalyq qurastyrý jáne polıgrafııalyq sapa", "Oqýlyqtar saraptamasy jáne ádistemelik júıe retinde olardyń sapasyn baǵalaý" degen 4 sektsııa boıynsha ótedi. Sondaı-aq "Qazaq tili men ádebıeti, aǵylshyn tili oqýlyqtarynyń sapa máseleleri jóninde dóńgelek ústel májilisi men sheteldik jáne qazaqstandyq baspalardyń kitap baspalarynyń kórmesi bolady.
