Almatyda qazir 28 myń sheteldik turady - qala ákimi
ALMATY. 25 maýsym. QazAqparat - Almatyda qylmystyń 50 paıyzy sheteldikterdiń qatysýymen jasalady. Bul týraly qala ákimi Ahmetjan Esimov búgin buqaralyq aqparat quraldary ókilderin quttyqtaǵan kezde aıtty.
«Almatyda qazir 28 myń sheteldik turyp jatyr. Onyń 22 myńy Ózbekstan, Reseı, Qyrǵyzstan, Tájikstan sııaqty jaqyn elderden, al 6 myńy - alys shet memleketterden kelgender. Olardyń kóbi eńbek mıgrattary», - deıdi A. Esimov. Shahar basshysynyń aıtýynsha, sheteldikter qala turǵyndarynyń 0,1 paıyzyn quraıtynyna qaramastan, qylmystyń 50 paıyzy solardyń úlesinde. Basynda baspanasy, qaltasynda qarjysy joq bolǵan soń urlyq pen tonaýshylyqtan adam óltirýge deıin barady. Sondyqtan bul jaǵdaıdy retteý úshin kóshi-qon polıtsııasy qyrýar is-sharalardy júzege asyrýy tıis.
