Almatyda Qajymuqan kóshesi bir túnge jabylady
ALMATY. QazAqparat - Almatyda Qajymuqan kóshesi bir túnge jabylady, dep habarlaıdy QazAqparat tilshisi.
20 qyrkúıek keshki saǵat 21:00 -den 21 qyrkúıek tańǵy saǵat 9:00-ge deıin Medeý aýdanyndaǵy Qajymuqan kóshesi Mendiqulov kóshesinen Dostyq dańǵylyna deıin kólik qozǵalysy shekteledi.
«Bul shekteýler osy kóshe segmentiniń júris bóliginiń astynda ótetin qubyrdy josparly aýystyrýmen baılanysty», - dep habarlady «Almaty jylý jelileri» JShS.
Kompanııa keltirilgen qolaısyzdyq úshin almatylyqtardan keshirim suraıdy.
Sonymen qatar, júrgizýshilerge jol júrý baǵytyn aldyn ala josparlaýǵa keńes beredi.
