Almatyda qazan aıynyń ortasynda koronavırýs juqtyrǵandar sany azaıady - Jandarbek Bekshın

ALMATY. QazAqparat - Almatynyń bas sanıtarııa dárigeri Jandarbek Bekshın qala boıynsha qazan aıyna boljamyn aıtty», dep habarlaıdy QazAqparat tilshisi.

«Qazan aıynyń ortasy men sońyna qaraı táýligine 50-200 jaǵdaı deńgeıine shyǵýymyz kerek. Solaı boljap otyrmyz. Árıne, qala úlken, halyq tyǵyzdyǵy joǵary. Koronavırýs eshqaıda ketpeıdi, tek az mólsherde tirkeledi, bul bizdiń medıtsınalyq uıymdarǵa qalypty rejımde jumys isteýge múmkindik beredi», - dedi Jandarbek Bekshın.

Onyń aıtýynsha, táýliktik ósim deńgeıi tómendegenmen, epıdemıologııalyq jaǵdaıdy baǵalaý matrıtsasy boıynsha qala «qyzyl» aımaqta qalyp otyr.

Buǵan deıin Jandarbek Bekshın Almatyda qyrkúıek-qazan aılarynda epıdahýal qandaı bolatynyna boljam jasaǵan edi.