Almatyda qazaqtyń metstso-soprano daýysty ánshisi Dına Hamzınanyń kontserti ótedi
ALMATY. 14 qarasha. QazAqparat - Jambyl atyndaǵy fılarmonııada 22 qarasha kúni túrli halyqaralyq baıqaýlardyń laýreaty, Qazaqtyń memlekettik Abaı atyndaǵy opera jáne balet teatrynyń jáne Qazandaǵy M. Jálıl atyndaǵy opera jáne balet teatrynyń metstso-soprano daýysty ánshisi Dına Hamzınanyń kontserti ótedi.
Onda Birjan sal, A.Jubanov, L.Hamıdı, B. Qydyrbek, A. Toqsanbaev, B. Dáldenbaı, E.Andasov jáne taǵy basqalardyń shyǵarmalary oryndalady.
Qazaqtyń memlekettik qyzdar pedagogıkalyq ınstıtýtyn Qazaqstannyń halyq artısi B.Áshimovanyń klasynda tamamdaǵan D.Hamzına 2004 jyly B.Tólegenovanyń halyqaralyq konkýrsynyń birinshi syılyǵyna, 2005 jyly K.Baıseıitova atyndaǵy respýblıkalyq konkýrstyń Gran-prı syılyǵyna ıe boldy. Jaǵymdy da jumsaq máneri arqyly kórermen kózaımyna aınalǵan onyń kontserttik repertýarynda qazaq, orys halyq ánderi men Qazaqstan jáne ózge shetel kompozıtorlarynyń shyǵarmalary keńinen oryn alǵan. Ony ánshiniń teatr sahnasynda oryndaıtyn Qarlyǵash (A.Jubanov pen L.Hamıdı, «Abaı»), Qamqa ( E.Brýsılovskıı, «Qyz Jibek»), Analyq (M.Tólebaev, «Birjan-Sara»), Magdalena, Djovanna (Dj.Verdı «Rıgoletto», «Karmen»), Mersedes (J.Bıze «Karmen»), Polına (P.Chaıkovskıı «Qarǵanyń mátkesi»), Sýzýkı (Dj.Pýchchını «Chıo-Chıo-san»), Zıbel (Sh.Gýno «Faýst»), sııaqty jáne basqa da partııalarynan anyq baıqaýǵa bolady.
