Almatyda «Qazaqtyń halyq eposy. Qazaq halqynyń tarıhı men dástúri» atty respýblıkalyq kórme baıqaý ótedi
ASTANA. 9 jeltoqsan. QazAqparat - Almatydaǵy Á.Qasteev atyndaǵy memlekettik óner murajaıynda «Qazaqtyń halyq eposy. Qazaq halqynyń tarıhı men dástúri» atty respýblıkalyq kórme baıqaý ótedi.
Shara 12 jeltoqsan kúni ashylady.
Elimizde alǵash ret qolǵa alynyp otyrǵan jobaǵa Qazaqstan qylqalam sheberleri zor ynta tanytyp otyr. Oǵan 90 avtor qatyspaq.
Shara maqsaty - mazmuny men tehnıkalyq oryndalý sapasy, kórkemdik deńgeıi barynsha joǵary kórkemsýret týyndylaryn jasaý.
«Qazaqtyń halyq eposy. Qazaq halqynyń tarıhı men dástúri» atty respýblıkalyq kórme baıqaý QR Táýelsizdigi kúnine arnalǵan.
Kórmeniń ashylý rásimine QR Mádenıet jáne aqparat mınıstrliginiń, QR Tuńǵysh prezıdenti qorynyń, Almaty ákimdiginiń, sheteldik dıplomatııalyq mıssııalardyń ókilderi shaqyrylyp otyr.
