Almatyda qazaqtyń ejelgi saıası-ekonomıkalyq, mádenı qatynastar júıesiniń júıesiniń erekshelikteri týraly dóńgelek ústel jıyny ótedi
ALMATY. Naýryzdyń 19-y. QazAqparat /Erlik Erjanuly/ - Almatyda naýryzdyń 25-i kúni «Qazaqtyń ejelgi saıası-ekonomıkalyq, mádenı qatynastar júıesiniń erekshelikteri» degen taqyrypta dóńgelek ústel jıyny bolady,
dep habarlaıdy QazAqparat.
Ony Qazaqtyń Abaı atyndaǵy ulttyq pedagogıkalyq ýnıversıtetiniń magıstratýra jáne PhD doktorantýra ınstıtýtynyń saıasattaný jáne áleýmettik-ekonomıkalyq» pánder kafedrasy uıymdastyryp otyr. Bul alqaly basqosý jeti ata júıesiniń qazaq halqynyń saıası ekonomıkalyq, mádenı ómirindegi rólin, onyń jańa zaman talabyna saı elimizdiń básekege qabilettiligin ósirýde ońtaıly orta bola alýyn aıqyndap kórsetýge arnalǵan. Onda qan tazalyǵy, áıel men erkektiń teńdigi, ózine-ózin tanytyp adamdyqqa, týysqandyqqa, ımandylyqqa, syılastyqqa, meıirimdilikke tárbıeleıtini, jumyssyzdyqqa, jetimdikke, jesirlikke, teksizdikke, tárbıesizdikke, otansyzdyqqa, opasyzdyqqa, qarsy bola alatyn qubylys ekendigi jan-jaqty talqylanady dep josparlanyp otyr.
