Almatyda qazaqtyń asa kórnekti kompozıtory N. Tilendıevti eske alý keshi ótedi

Bul eske alý kontsertine N. Tilendıev atyndaǵy Akademııalyq folklorlyq-etnografııalyq orkestri qatysady. Bas dırıjeri - QR eńbegi sińgen qaıratkeri Dinzýhra Tilendıeva, dırıjer - Múslim Ámze.

Nurǵısa Tilendıev (1925-1998) - dırıjer, kompozıtor, dombyrashy, KSRO jáne Qazaq SSR halyq ártisi. Respýblıkanyń eńbegi sińgen mádenıet qaıratkeri, Qazaq SSR Memlekettik syılyǵynyń laýreaty.

P. I.Chaıkovskıı atyndaǵy Máskeý memlekettik konservatorııasyn bitirgen.

1981 jyly «Otyrar sazy» halyq aspaptary orkestrin quryp, ony ómiriniń sońyna deıin basqarǵan.

Nurǵısa Tilendıev - «Altyn taýlar» operasynyń (Q. Qojamııarovpen seriktes avtor retinde), «Dostyq jolymen» baletiniń (L. Stepanovpen birge), «Ata tolǵaý», «Aqqý» orkestrlik poemalarynyń jáne 40 jýyq ánder men romanstardyń avtory.

Nurǵısa Tilendıev - qazaqtyń mýzykalyq mádenıetindegi sal serilik dástúrdiń sońǵy tuıaǵy. Dırıjer, oryndaýshy retinde óshpes iz qaldyrǵan asa kórnekti sýretker.

Qazaqstan Respýblıkasy Prezıdentiniń Jarlyǵymen Nurǵısa Tilendıevke 1998 jyly «Halyq Qaharmany» ataǵy berilgen.