Almatyda qazaqtildi aqparat tájirıbesine jańa medıa tehnologııalaryn engizý týraly semınar-trenıng ótedi

dep habarlaıdy QazAqparat. Ony Soros Qazaqstan qory men EQYU-nyń Almatydaǵy ókildiginiń qoldaýymen «Minber» jýrnalısterdi qoldaý ortalyǵy uıymdastyryp otyr. Semınar-trenıngke qazaq tilinde jańa medıa tehnologııany túsingisi keletin, jýrnalıstik qyzmetinde ǵalamtor múmkindigin (blog, mıkroblog, áleýmettik jeliler, web 2.0 tásilderi) keńirek paıdalanýdy kózdeıtin jýrnalıster men basqa jurtshylyq ókilderi shaqyrylǵan. Oǵan osydan eki aı buryn «Blogger bolǵym keledi», «Qazaqtildi BAQ jáne jarııalanǵan jańa medıa» taqyrypta jarııalanǵan baıqaýda maqalalary úzdik dep tabylǵan 26 jýrnalıst qatyspaq. Onyń altaýy Almaty qalasynan, al 20-sy respýblıkanyń ózge aımaqtarynan keledi. Olardyń arasynda almatylyq Órken Kenjebek, aqtóbelik Asqar Aqtileýov, astanalyq Búrkit Nurasyl, atyraýlyq Nurbergen Maqym, jarkenttik Dáýlet Qasym, qaraǵandylyq Álııa Sembekova, qostanaılyq Erlan Qalmaq, qyzylordalyq Móldir Qojahmetova, pavlodarlyq Ǵabıt Bókenbaı, óskemendik Serik Ádilhan, semeılik Toty Atysheva, tarazdyq Gúlnur Emberdıeva men túrkistandyq Ertaı Jalǵas bar.