Almatyda qazaqtan shyqqan tuńǵysh Olımpıada chempıonynyń mereıtoıy atalyp ótti
Saltanatty keshke, basketboldan Mıýnhen Olımpıadasynyń jeńimpazy Áljan Jarmuhamedov búgingi kúni turyp jatqan Máskeý qalasynan arnaıy ushyp keldi. Sharaǵa QR Ulttyq Olımpıadalyq komıteti sport dırektsııasynyń basshysy Elsııar Qanaǵatov, Almaty qalasy Dene shynyqtyrý jáne sport basqarmasynyń basshysy Rústem Baıseıitov jáne birqatar tanymal sportshylar qatysty.
Áljan Jarmuhamedovke Ulttyq Olımpıadalyq komıtetiniń prezıdenti Tımýr Qulybaev pen Almaty qalasy ákimi Baqytjan Saǵyntaevtyń quttyqtaý hattary oqylyp, dańqty ardager sportshyǵa qazaqtyń dástúrimen shapan jabyldy. Al belgili metsenat Dýlat Tastekeev chempıonǵa «Assyltas» qoǵamdyq qorynyń tósbelgisin jáne arnaıy syıaqyny tabystady.
Kesh uıymdastyrýshysy – «Assyltas» qoǵamdyq qory.
Aıta keteıik, Áljan Jarmuhamedov 1972 jyly basketboldan KSRO quramasy sapynda Olımpıada jeńimpazy atanǵan.
Áljan Jarmuhamedov 1944 jyly 2 qazanda Ońtústik Qazaqstan oblysy, Bostandyq aýdanynda, Tabaqsaı aýylynda dúnıege kelgen.
