Almatyda «Qazaqstannyń úzdik taýarlary» atty aımaqtyq kórme-baıqaý ashyldy
dep habarlaıdy QazAqparat.
Sharanyń negizgi maqsattary men mindetteri - kásiporyndar men uıymdardyń qyzmet belsendiligin arttyrý, otandyq taýarlardyń sapasyn arttyrý, Qazaqstan rynogyn joǵary sapaly ári básekege qabiletti ónimmen qamtamasyz etý.
Kórmege halyq tutynatyn taýarlar men azyqtyq shıkizattardy shyǵaratyn qalanyń 85-ten asa óndiristik kásiporyndary qatysýda. Baıqaýǵa Almaty qalasynda óndiriletin úzdik taýarlar qoıyldy.
Qala ákimi kórmege qoıylǵan taýarlarmen tanysyp shyǵyp, "Biz halyqtyń qajettiligin qanaǵattandyryp otyrǵan barlyq ónerkásiptiń jumystaryn qoldap, damytýymyz kerek. Sizderdiń mindetterińiz árdaıym taýardyń sapasyn joǵary deńgeıde ustap, eksportqa baǵyttalǵan ónimderdi kóptep shyǵarýlaryńyz qajet. Almaty eńbekqor qala bolyp tabylady jáne bizdiń qala búginde respýblıkalyq bıýdjettiń 27 paıyzyn berip otyr, ol kiristi sizderdiń óndiris oryndaryńyz berýde", dep atap ótti.
"Qazaqstannyń úzdik taýary" aımaqtyq baıqaýdyń úsh atalymy jeńimpazdaryna qala ákimi arnaıy dıplomdar men estelik syılyqtardy tabys etti.
«Óndiristik mańyzy bar úzdik taýarlar» atalymyn «Kazstroısteklo» JShS-i jeńip alsa, "Turǵyndarǵa arnalǵan úzdik taýarlar" atalymynyń jeńimpazy «Semıramıda» atty tigin fabrıkasy atandy. Al, «Úzdik azyq-túlik ónimderi» atalymynda "Bıjan" JK úzdik dep tanylyp, jeńimpaz boldy.
