Almatyda"Qazaqstannyń ulttyq qory jáne ornyqty damý ınvestıtsııalary" zertteý nátıjeleri tanystyryldy
ATY. 23 qarasha. QazAqparat /Erlik Erjanuly/ - Ultyq qor sońǵy jyldary aıqyndala tústi. Bul jaıly Soros-Qazaqstan qorynyń Qamqorshylar keńesiniń múshesi Nargıs Qasenova búgin Almatyda "Qazaqstannyń ulttyq qory jáne ornyqty damý ınvestıtsııalary" zertteý nátıjeleriniń tanystyrylymynda aıtty.
"Ulttyq qor 2000 jyldan beri Soros-Qazaqstan qorynyń nazarynda bolyp keldi. 2003 jyly biz aǵylshyn jáne orys tilderinde "Kaspıı munaı kiristeri. Kim utysty bolady" degen esepti jarııaladyq. Onda Qazaqstan men Ázerbaıjanyń ulttyq qordy basqarý qaǵıdalary qarastyrylyp, Úkimetke usynymdar jasalǵan edi", - deıdi N. Qasenova. Onyń aıtýynsha, Soros-Qazaqstan odan keıingi jyldary qosymsha zertteýler júrgizip, usynymdaryn tolyqtyryp keldi. Jańa esepter jarııalap, konferentsııalar ótkizip, derekti fılm túsirdi. Alaıda jalpyhalyqtyq jınaq degen ataýǵa ıe bolǵan Ulttyq qor týraly jurtshylyqtyń maǵlumaty áli tómen.
"2003 jyldan beri Ulttyq qordyń aıqyndyǵy artty. Qarjy mınıstrliginiń saıtynan qor týraly jáne onyń esebi týraly málimetter alýǵa bolady", - dedi Nargıs Qasenova.
