Almatyda «Qazaqstannyń óner sahnasy. Erteńge boljam
ALMATY. 11 Qarasha. QazAqparat /Názıra Eleýhan/- Almatyda «Qazaqstannyń óner sahnasy. Erteńge boljam" atty respýblıkalyq kórme ashyldy.
Qazaqstan Respýblıkasy Tuńǵysh Prezıdenti Qorynyń qoldaýymen «Sharshy» shyǵarmashylyq birlestiginiń uıymdastyrýymen ashylǵan kórmege Almaty qalasynyń jáne Qazaqstannyń ózge de oblystarynan kelgen sýretshilerdiń shyǵarmalary jáne Koreıanyń jas sýretshisi Lım Djon Oktyń jumystary, jalpy sany 50-den astam avtordyń týyndylary qoıylǵan. Jumystardyń kópshiligi túrli janrda, túrli materıaldar men tehnıkada oryndalǵan. Sýretshi jumystarynan qazirgi zaman sýretshileriniń izdenisterin, búgingi kúngi ónerdegi betalysty, jetistikter men problemalardy, aımaqtardyń stıldik aıyrmashylyqtaryn kórýge bolady.
Bul 2009 jyly qurylǵan «Sharshy» shyǵarmashylyq birlestiktiń úshinshi kórmesi. Jobanyń biregeıligi, uıymdastyrylǵan kórmege dárejesine, jas ereksheligine, shyǵarmashylyq qushtarlyǵyna qaramastan barlyq sýretshilerge qatysýǵa bolady.
Uıymdastyrýshylardyń aıtýynsha, mundaı kórme qatysýshylarǵa búgingi kúnde bizdiń ónerimizde bolyp jatqan úderister men qubylystardyń, onyń qazirgi zamandaǵy joǵarǵy mıssııasyn túsindirýge baǵyttalǵan keń spektrimen tanysýǵa múmkindik bermek.
