Almatyda «Qazaqstannyń qarqyndy damý úderisindegi etnomádenı birlestikterdiń orny men róli» taqyrybyn da dóńgelek ústel ótti
Sharany «Birge bol» qoǵamdyq birlestigi mádenı sharalar jıyntyǵyn júzege asyrýǵa baılanysty QR Prezıdentiniń Joldaýyn túsindirý aıasynda uıymdastyrdy. Otyrys QR Mádenıet mınıstrliginiń tapsyrysy boıynsha ótkizilip otyr. Dóńgelek ústeldiń negizgi maqsaty elimizdiń mádenıetin damytýǵa qatysty ıdeıalar men jobalardy saralaýdy kózdeıdi.
Basqosýǵa mádenıet pen óner qaıratkerleri jáne ózge ult mádenı oshaqtarynyń ókilderi qatysty.
«Shabyt» qoǵamdyq qorynyń dırektory Talant Tolybekovtyń aıtýynsha, óner men mádenıet salasyndaǵy tulǵalardyń ótkir ıdeıalary men usynǵan jobalary QR Mádenıet mınıstrliginde qaralyp, soǵan saı sharalar atqarylatyn bolady. «Elimizdiń ár aımaǵynda ótkizilip kele jatqan osyndaı jıyndarda kóptegen ıdeıalar, jobalar usynyldy. Olardyń barlyǵy mınıstrlikke jetkizilýde. Osy jobalardy iske asyrý barysynda Mádenıet mınıstrligi aldaǵy jyly iri kólemde qarjy aýdarǵaly otyr», dedi ol.
T. Tolybekov, sonymen qatar, mınıstrliktiń mádenıetti damytýǵa arnalǵan qandaı da bir qor qurý jaıyn josparlap otyrǵanyn jetkizdi.
Dóńgelek ústel barysynda Qazaqstannyń qazirgi mádenı ómirine qatysty pikirler aıtylyp, ózekti máseleler talqylandy. Jıyn sońynda mınıstrlikke joldanatyn birqatar usynystar qabyldandy.
