Almatyda Qazaqstannyń halyq sýretshisi Á.Qasteevtiń murajaı-úıi ashyldy

Murajaı 1957-1973 jyldar aralyǵynda sýretshi turǵan úıge ornalasqan. Kórme jádigerlikteri kelýshilerdi Á.Qasteev jasaǵan eń tanymal keskindemelik jáne grafıkalyq týyndylarmen tanystyrady, sondaı-aq munda baı tarıhı-ǵumyrnamalyq materıaldar - fotosýretter, qujattar, kınohronıka jáne sýretshiniń jeke zattary jınaqtalǵan. Shynaıy jádigerlikterdiń kómegimen sheberdiń kóp jyldar boıy jumys jasaǵan stýdııa-sheberhanasy qaıta jasaqtalǵan, ol kelýshilerdiń erekshe yntasyn týǵyzýda. Qazaqstannyń halyq sýretshisi Á.Qasteevtiń murajaı-úıi sýretshiniń Qazaqstandaǵy tolyq shyǵarmalar jınaǵyn saqtap otyrǵan QR Memlekettik óner murajaıynyń fılıaly bolyp tabylady. Á.Qastevtiń murajaı-úıi ońtústik astananyń mańyzdy mádenı nysanyna aınaldy, munda kelgen qonaqtar HH ǵasyrdaǵy tarıhymyzdyń jáne mádenıetimizdiń shynaıy qundylyqtarymen egjeı-tegjeıli tanysa alady.