Almatyda Qazaqstannyń halyq ártisi Esmuhan Obaev týraly túsirilgen derekti fılmniń premerasy boldy
ALMATY. 22 qazan. QazAqparat /Názıra Eleýhan/ - Búgin Almatyda "Cinema towers" kınoteatrynda Qazaqstannyń eńbek sińirgen óner qaıratkeri, Qazaqstannyń halyq ártisi,
Memlekettik syılyqtyń ıegeri, Muhtar Áýezov atyndaǵy akademııalyq drama teatrynyń kórkemdik jetekshisi jáne dırektory Esmuhan Obaevtyń shyǵarmashylyq ómiri jaıynda túsirilgen "Istochnık Obaıa" atty derekti fılminiń premerasy bolyp ótti.
Tusaýkeser rásimine fılmniń basty keıipkerleri, fılmniń shyǵarmashylyq toby, mádenıet salasynyń kórnekti qaıratkerleri qatysty. Shara Esmuhan Obaevtyń 70 jasqa tolý mereıtoıy aıasynda ótkizildi.
Derekti fılmde Esmuhan Obaevtyń rejısser jáne qaıratker retindegi qalyptasý jolyna keńinen taldaý jasalǵan. Fılm stsenarııiniń avtory - Álııa Bópejanovanyń aıtýynsha, týyndynyń ereksheligi - bul ómirbaıandyq derekti fılm emes, pýblıtsıstıkalyq sarynda jazylǵan týyndy.
Fılmniń rejısseri - Jánibek Jetirýov. Týyndyny Sh.Aımanov atyndaǵy «Qazaqfılm» AQ men «Jańa ǵasyr» stýdııasy birlesip túsirgen.
