Almatyda Qazaqstannyń Birinshi Ulttyq ǵylymı-tehnologııalyq forsaıtqa arnalǵan konferentsııasy ótedi
ALMATY. 5 aqpan. QazAqparat / Erlik Erjanuly/ - Almatyda 11 naýryzda Qazaqstan Respýblıkasyndaǵy Birinshi Ulttyq ǵylymı-tehnologııalyq forsaıtqa arnalǵan konferentsııa ótedi.
Ony QR Prezıdenti Nursultan Nazarbaevtyń bıylǵy Joldaýynda jáne «Nur-Otan» HDP-nyń HІІІ sezinde júktegen mindetterin oryndaý maqsatynda «Ulttyq ınnovatsııalyq qor» AQ-y uıymdastyryp otyr. Ǵylymı-tehnologııalyq forsaıt ulttyq ınnovatsııalyq júıeniń ártúrli sýbektilerimen ortaq pikirge kelý negizinde asa qajetti tehnologııalar men basqa da salalardy jetildirýge baǵyttalǵan elimizdiń odan ary damý baǵyttaryn anyqtaýdy maqsat tutýda. Konferentsııaǵa 300-den astam halyqaralyq sarapshylar jáne ǵylym, bıznes salasyndaǵy ártúrli qaýymdastyqtar men odaqtardyń ókilderi qatysady dep jolsparlanýda.
