Almatyda «Qazaqstannyń bilim berý jáne aqparat keńistigindegi PR oryny» atty halyqaralyq ǵylymı-tájirıbelik konferentsııa ótedi

Ony qoǵammen baılanys jáne jarnama kafedrasy uıymdastyryp otyr.

2010 jyly Qazaqstan Respýblıkasynda «Qoǵammen baılanys» mamandyǵy boıynsha bakalavrıatta, magıstratýrada, doktorantýrada maman daıarlaý qaıtadan qolǵa alynǵan. Bul otandyq PR-ındýstrııa úshin biregeı oqıǵa bolyp tabylady. «Qoǵammen baılanys» suranysy mol, keleshegi zor kásip bolyp tabylady. Burynnan bar tájirıbeni jáne qazirgi zamanǵy erekshelikterdi eskere kelip, stýdentterdi PR-qaýymdastyqtyń jetekshi praktıkterimen birlese otyryp, jasaǵan jańa úrdister boıynsha oqytýdy birinshi bolyp qolǵa aldy.

Sharany uıymdastyrýshylar básekege qabiletti maman daıarlap shyǵarýda osyndaı konferentsııalar zor ról atqaratyndyǵyn aıtady. Ol, birinshiden, qazaqstandyq PR-qaýymdastyqtyń «teoretıkteri» men «praktıkterin» biriktirýge sebepker bolyp, Qazaqstan pıarshylary men túrli elder mamandary arasyndaǵy kópir ornatýǵa kómektesedi. Munyń ózi salanyń tıimdi damýy úshin óte qajet eken. Ekinshiden, jumys berýshilerdiń túlekterge degen talabyn aıqyndaýǵa, sondaı-aq PR-praktıkterdiń PR bilimin berý sapasy jónindegi pikirlerin tyńdaýǵa, ortaq oı órbitýge járdemdesedi. Ústimizdegi jyl ishinde jýrnalıstıka fakýltetinde 20 shaqty sheberlik synyptary ótip, olarǵa jurtshylyqpen baılanys salasynyń jetekshi mamandary qatysqan. Otandyq PR áleýetin damytyp, nyǵaıtý úshin korporatıvtik mádenıet boıynsha ǵylymı zertteýlerdi tereńdetý, Qazaqstandaǵy ımıdji men brendıng boıynsha zertteýlerge keshendi baǵa berý, mamandyqtaǵy úrdisterdiń álemdik tendentsııalaryn baǵamdap otyrý, baspasóz qyzmetteriniń memlekettik jáne kommertsııalyq qurylymdarymen aradaǵy jumysyn júıelendirý qajet, mine osylardyń barlyǵy konferentsııa májilisterinde talqylanbaq.