Almatyda Qazaqstannyń aqparattyq keńistigin damytý baǵdarlamasy talqylandy
ALMATY. 6 qarasha. QazAqparat - Baspa ónimderin taratý básekelestik ortaǵa berilgendigine qaramastan jekelegen tulǵalar bul naryqty basybaıly ózderine telip alǵan jaǵdaılar jıi oryn alýda.
Bul týraly keshe, Almatyda ótken «Otandyq jýrnaldar: ózekti máseleleri jáne bolashaǵy» degen taqyrypta ótken dóńgelek ústel jınalysyndaı aıtyldy.
Ony baspasóz ónimderin taratýshylardyń, respýblıkalyq jáne salalyq jýrnaldardyń bas redaktorlarynyń, múddeli mınıstrlikter men jýrnaldardy shyǵarýshy qaýymdastyq ókilderiniń qatysýymen «Bas redaktorlar klýby» respýblıkalyq qoǵamdyq birlestigi uıymdastyrdy. Bul basqosýda qazirgi daıyndalyp jatqan Qazaqstannyń aqparattyq keńistigin damytýdyń baǵdarlamasy talqylandy. Otandyq gazet-jýrnal ónimderin taratýdyń balama túrlerin qoldaný joldary qaralyp, atalǵan is-shara aıasynda elimizdegi eń tanymal kóp tırajdy jetekshi otandyq jýrnaldarynyń kórmesi uıymdastyrylady.
Mamandardyń aıtýynsha, jańa baǵdarlama jeke satý toraby arqyly baspa ónimderin ótkizý máselelerin sheshýge oń yqpal etpek. Óıtkeni ashyq saýda alańynda baspasóz ónimderin taratý redaktsııalar úshin qıyn jaǵdaıda. Onda ásirese, qazaq tilinde shyǵarylatyn ónimder óte kúrdeli jaǵdaıda qalýda. Qazaq tilindegi jýrnaldar men gazetter satylatyn dúńgirshikterdiń sany saýsaqpen sanarlyqtaı ǵana. Al basqa dúńgirshikter memlekettik tildegi ónimderdi satýǵa qulyqtylyq tanytpaı keledi. Sol sebepti qazir qazaqstandyq kásipkerler ózderiniń jarnamalaryn ózge elderdiń basylymdarynda ornalastyrady.
