Almatyda Qazaqstannyń agrarlyq ǵylymy týraly alqaly jıyn ótedi
ALMATY. 7 sáýir. QazAqparat - Almatyda 10 sáýir kúni «Qazaqstan agrarlyq ǵylymynyń damýy» degen taqyrypta dóńgelek ústel jıyny bolady.
Bul sharany Qazaq ulttyq agrarlyq ýnıversıteti; Aýyl sharýashylyǵynyń ǵylym akademııasy; Ulttyq bıologııalyq ortalyǵy; M.Aıtqojın atyndaǵy bıologııa jáne bıohımııa molekýla ınstıtýty; Mıkrobıologııa jáne vırýsologııa ınstıtýty birlesip uıymdastyryp otyr. Onda ǵylymı-tehnıkalyq baǵdarlamaǵa negizdelgen jáne qalyptasqan zertteýlerdi jańartý maqsattary talqylaýdan ótedi. Talqylanatyn máseleler qatarynda agroónerkásip keshenindegi energııa únemdeý tehnologııasy, mal sharýashylyǵy men mal azyǵy óndirisi jáne jańartý sharalary, shalǵaıdaǵy mal sharýashylyǵy jáne sýarmaly jerler, sýmen qamtamasyz etý júıeleri bar.
