Almatyda Qazaqstannyń 100 jańa tulǵasyn irikteý máselesi talqylandy
ALMATY. QazAqparat - Almatyda Dostyq úıinde QR Prezıdenti janyndaǵy Qazaqstan strategııalyq zertteýler ınstıtýty «Qazirgi zamanǵy Qazaqstan: el jetistiginiń jasampazdary» taqyrybynda talqylaý ótkizdi, dep habarlaıdy QazAqparat.
Qazaqstan strategııalyq zertteýler ınstıtýtynyń áleýmettik ekonomıkalyq zertteýler bóliminiń basshysy Lázzat Nurqatova tulǵalardy irikteý krıterııleri týraly aıtyp berdi.
«Bul - biregeı joba. Qazaqstan táýelsizdigin alǵan jyldarda belsendilik kórsetken 20 men 50 jas aralyǵyndaǵy tulǵalar atalǵan tizimge enedi. Eń aldymen adamyń Qazaqstan damýyna qosqan úlesi, eńbegi, otbasylyq jáne azamattyq prıntsıpteri eskeriledi. Osy maqsatta jumys toby quryldy. Bul baıqaý emes, bul tek tulǵalardy irikteý. Belgili ǵalymdar, tulǵalardan turatyn top belgili bir azamattardyń belsendilik kartasyn daıyndap, sonyń negizinde usynys jasaıdy», - dedi Nurqatova.
Onyń aıtýynsha, jumys toby 20 adamdy respýblıkalyq mańyzy bar qalalardan, qalǵan 80 adamdy aımaqtardan iriktep alady. Onyń ishinde genderdik saıasattyń da talaptary oryndalmaq.
Talqylaýǵa qatysqan ǵylymı-zertteý ınstıtýttarynyń jetekshi sarapshylary, tarıhshylar, qoǵam qaıratkerleri men ár salanyń kóshbasshylary atalmysh jobanyń el ómirindegi mańyzdylyǵyna toqtalyp, óz oı-pikirlerin ortaǵa saldy.
Aıta ketý kerek, Memleket basshysy «Bolashaqqa baǵdar, rýhanı jańǵyrý» maqalasynda «Qazaqstannyń 100 jańa tulǵasy» jobasyn júzege asyrý týraly usynys aıtqan bolatyn.
