Almatyda qazaqstandyq tólqujattary bolǵan portýgalııalyqtardy ustady
ASTANA. QazAqparat - Almatyda kólik polıtseıleri Portýgalııa Respýblıkasynyń eki azamatyn eki azamattyqty paıdalanǵandary úshin ákimshilik jaýapkershilikke tartty.
«Almaty q. áýejaıynda Jelilik polıtsııa bóliminiń qyzmetkerleri eki azamattyqty paıdalanǵan «Máskeý-Almaty» reısimen kelgen 1963 jáne 1974 jyly týǵan Portýgalııa Respýblıkasynyń eki azamatyn anyqtady. Ustalǵandarǵa qatysty QR ÁQK 496 baby 1 bólimi boıynsha ákimshilik hattamalar toltyryldy. Atalǵan fakt boıynsha materıaldar Almaty qalasynyń aýdanaralyq ákimshilik sotyna joldandy», - dep habarlady kóliktegi ІІD baspasóz qyzmetinen.
Eske sala keteıik, aǵymdaǵy jyldyń basynan QR ІІM kóliktegi ІІD qyzmet kórsetetin ýchaskede eki azamattyqty paıdalanǵan 34 azamat anyqtaldy. Vedomstvoda atap ótkendeı, olardyń arasynda AQSh (13), Reseı Federatsııasy (9) jáne Túrkııa (7) azamattary jıi kezdesedi.
