Almatyda qazaqstandyq óner aptalyǵy ótedi
ALMATY. Mamyrdyń 11-i. QazAqparat /Erbol Azanbek/ - Mamyrdyń 20-25 aralyǵynda Almatyda «Qazaqstandyq óner aptalyǵy» halyqaralyq kórme-konkýrsy ótedi,
dep habarlaıdy QazAqparat .
Atalǵan shara aıasynda fotoóner, keskindeme, músin, qoldanbaly óner, sýret salalary boıynsha konkýrstar, sheberlik synyptary men semınarlar, «dóńgelek ústel» májilisteri ótedi. Konkýrsqa qatysýshylardyń jumystaryn otandyq jáne halyqaralyq bedeldi ádilqazylar alqasy saralaıdy. Barlyq jumystar halyqaralyq «Ónerdegi jańa ashylýlar /New Faces in Arts» katalogyna jarııalanady. Sondaı-aq jeńimpazdardyń jumystary halyqaralyq (Máskeý, Russian Art Week), (Sankt-Peterbýrg, St.-Petersburg's Art Week), (Bratıslava, Slovakian Art Week), (Kıev, Ukrainian Art Week), ( Mınsk, Belarus Art Week), (Madrıd, Art Week in Spain), ( Boltsan, Euro Art Week), ( Varshava, Polish Art Week) kórmelerge jiberiledi.
