Almatyda qazaqstandyq gematolog- mamandarǵa arnalǵan sheberlik synyptar ótýde

Bul týraly búgin Almatyda ótken arnaıy baspasóz máslıhatynda habarlandy.

Sheberlik synyptar 29 qarashada bastalǵan. Jeltoqsan aıynyń 3-ne deıin jalǵasatyn sheberlik synyptyń taqyryby - «Ótkir aq qan aýrýyna shaldyqqan balalardaǵy BFM hattamasy boıynsha hımııalyq terapııanyń asqynýy» dep atalady. Dáris barysynda aq qan aýrýyn emdeý barysynda paıda bolýy múmkin barlyq asqynýlardyń túrleri, sonymen qatar, aq qan aýrýyna shaldyqqan balalardyń vırýstyq gepatıtpen aýyrý máselesi talqylanatyn bolady. Professor Geraın dáris oqýmen qatar Ǵylymı pedıatrııa jáne balalar hırýrgııasynda emdelip jatqan barlyq onkogematologııalyq naýqastardy qarap, olardyń ata-analarymen áńgimelesý jáne qarqyndy emdeýden qoldaýshy emdeýge aýysqan balalarǵa keńes berý is-sharalaryn ótkizýdi josparlap otyr.

Máslıhat barysynda Ǵylymı pedıatrııa jáne balalar hırýrgııasy ortalyǵynyń dırektory Ermek Aıazbekov: «Eńbek etýdiń asa qıyn jaǵdaılary- ýly hımııalyq preparattarmen, qan preparattarymen jumys jasaý, medıtsınalyq qyzmetkerlerge joǵarǵy fızıkalyq jáne psıhoemotsıonaldy salmaq túsiredi. Sol sebepti kadrlardyń jıi aýysýy baıqalyp otyr, sondaı-aq, dárigerlerdiń zamanaýı sheteldik emhanalarda óz biliktiligin arttyrýǵa árqashan múmkindigi bola bermeıdi», dep atap ótti. «Sondyqtan Qazaqstan Respýblıkasy Densaýlyq saqtaý mınıstrliginiń nemistiń belgili mamany Valentın Geraınniń qatysýymen sheberlik synyptaryn uıymdastyrýy dárigerler úshin de, balalar úshin de asa ózekti ári qajetti is-shara bolyp tabylady», dedi ol.

Búginde Ǵylymı pedıatrııa jáne balalar hırýrgııasy ortalyǵyndaǵy 60 orynǵa shaqtalǵan eki onkogematologılyq bólimshesinde qan aýrýynyń aýyr túrimen aýyratyn 90 naýqas em qabyldaýda.