Almatyda qazaqstandyq etnosaralyq kelisim úlgisiniń alǵa basý joldary talqylanady
ALMATY. Aqpannyń 11-i. QazAqparat / Ádilet Musahaev / - Qoǵamdaǵy sáıkestik pen turaqtylyqty saqtaı otyryp Qazaqstanda turatyn barlyq etnıkalyq qaýymdardyń mádenıetin qalaı saqtap, damytý kerek?
Osy taqyryp tóńiregindegi suraqtar 17-shi aqpan kúni Almatyda «Qazaqstandyq etnosaralyq kelisim úlgisiniń alǵa basýy» taqyrybyndaǵy dóńgelek ústelde talqylanatyn bolady, dep habarlaıdy QazAqparat.
Jańa joba Qazaqstan menedjment, ekonomıka jáne boljaýlar ınstıtýynyń «QMEBI - Damý - Forýmy (QDF)» sheńberindegi birinshi shara májilisi bolyp tabylady. Bul jobaǵa muryndyq bolyp otyrǵan halyqaralyq jýrnalıst Shıraz Paracha. Qazirgi ýaqytta ol QMEBI-de stýdenttik suraqtar boıynsha dekan qyzmetin atqarýda.
QDF JOO-nyń stýdenttik qaýymdastyǵymen álemde jáne elde oryn alǵan mańyzdy qoǵamdyq-saıası oqıǵalardy talqylap, pikirtalastar ótkizý maqsatyda qurylǵan. Jańa birlestiktiń urany - «oıyńmen bólis, aıqyn pikir aıtyp, kózqarasyńdy bildir».
«QDF eń ózekti máseleler talqylanatyn platformaǵa aınalady. Stýdentter pikirtalasyna belgili saıasatkerler, Qazaqstan halqy qaýymdastyǵynyń ókilderi, dıplomattar men kásipkerler, jazýshylar, ǵalymdar, úkimettik emes uıymdar jáne dinı konfessııalar ókilderi qatysady», dedi Sh.Paracha. Onyń aıtýynsha, jańa joba QMEBI-di zııatkerlik damý ortalyǵyna aınaldyrýǵa jáne bilim berýge kómektesedi.
QDF-tiń alǵashqy jıynynda Qazaqstandaǵy ultaralyq saıasat pen elimizdegi turaqtylyq pen beıbitshilikti saqtaý baǵytyndaǵy N.Á. Nazarbaevtyń umtylysy talqylynbaq. «Elbasy jastarǵa degen óz úndeýinde «halyqtyń birligi - jetistikke jeter joldyń kilti», dep birneshe ret aıtqan bolatyn», deıdi Sh.Paracha.
