Almatyda qazaqstandyq emıtentter týraly konferentsııa bolady
ALMATY. Qazannyń 26-sy. QazAqparat /Erlik Erjanuly/ - Almatyda qazannyń 28-29-y kúnderi "Qazaqstandyq emıtentter forýmy. Daǵdarystan keıingi kezeńdegi bıznestiń ósý núktesi" dep atalatyn konferentsııa ótedi.
Ol QR Qarjy naryǵyn jáne qarjy uıymdaryn retteý men qadaǵalaý agenttiginiń janyndaǵy Emıtentter keńesi men Qazaqstan qarjygerler qaýymdastyǵynyń qoldaýymen uıymdastyrylyp otyr. Bul sharaǵa ekonomıkanyń naqty sektoryndaǵy kásiporyndardyń qojaıyndary, top-menedjerleri, qarjylyq dırektorlary, memlekettik ýákiletti oryndardyń ókilderi, ınstıtýtsıonaldyq jáne jekelegen ınvestorlar, quqyqtyq jáne konsaltıngtik kompanııalardyń keńesshileri men qarjy naryǵynyń kásibı qatysýshylary qatyspaq. Konferentsııa jumysy plenarlyq sessııalar, tanystyrlymdar, tájirıbelik bıznes-keıster men sheberlik dáristeri arqyly ótedi dep josparlanyp otyr.
