Almatyda Qazaqstandaǵy Joǵary bilim salasyna arnalǵan halyqaralyq konferentsııa ótip jatyr
ALMATY. Qyrkúıektiń 21-i. QazAqparat /Erbol Azanbek/ - Almatyda «Qazaqstandaǵy joǵary bilimniń jaǵdaıy men damýy-Tempýs baǵdarlamasynyń áseri» atty halyqaralyq konferentsııa ótip jatyr, dep habarlaıdy QazAqparat.
Eki kúnge sozylatyn halyqaralyq shara Tempýs baǵdarlamasynyń Qazaqstandaǵy 15 jyldyǵy men Qazaqstan táýelsizdigi, Tempýs baǵdarlamasynyń 20 jyldyǵyna arnalǵan. Sharaǵa Qazaqstan, Qyrǵyzstan, Tájikstan, Túrkmenstan, sondaı-aq Evroodaqtyń bilim, aýdovızýaldy quraldar jáne mádenıet jónindegi agenttiginen 150-den astam ókilderi qatysýda. Konferentsııanyń uıymdastyrýshylary QR Bilim jáne ǵylym mınıstrligi, Almaty tehnologııalyq ýnıversıteti, Qazaqstandaǵy Ulttyq Tempýs keńsesi, Evorodaqtyń Qazaqstandaǵy ókildigi.
Atalǵan baǵdarlama Evrodaqpen qarjylandyrylady jáne Evroodaqtyń kóshriles eldermen joǵary bilim salasyndaǵy áriptestigin nyǵaıtýǵa, birikken jobalardy qarjylandyrý arqyly, bilim salasyn modernızatsııalaýǵa atsalysýǵa baǵyttalǵan. Baǵdarlama Qazaqstanda 1995 jyldan beri jumys isteıdi. Osy ýaqyttan beri baǵdarlama aıasynda jalpy quny 28 994 523 evrolyq 50 joba qarjylandyrylǵan. Qazirgi ýaqytta Tempýs IV aıasynda 2 789 670 evrolyq 16 aımaqtyq joba qarjylandyrylýda. Oǵan elimizdiń 10 aımaǵynan 23 ýnıversıtet, 10 akademııalyq emes bilim mekemeleri qatysýda. Bul jobalar negizinen sý resýrstary, energııa men ekonomıka, temir jol salasynda jańa oqý baǵdarlamalaryn jasaý, joǵary oqý oryndarynyń bilim sapasyn kóterý men akkredıtatsııadan ótý, Bolon úrdisin damytýǵa baǵyttalǵan.
