Almatyda Qazaqstandaǵy PR biliminiń máseleleri talqylandy
ALMATY. Maýsymnyń 18-i. QazAqparat /Erbol Azanbek/ - Bıylǵy jyldan bastap elimizde qoǵammen baılanys mamandyǵy boıynsha bakalavr, magıstr, PhD mamandary daıyndala bastaıdy.
Bul týraly búgin QazMÝ-de ótken «Qazaqstandaǵy PR-bilimi. 2010 jyl: mamandyq jandandy. Bolashaǵy qandaı?» atty dóńgelek ústel barysynda jýrnalıstıka fakýltetiniń dekany Ǵalııa Ibraeva aıtty.
Esterińizge sala keteıik qoǵammen baılanys mamandyǵy boıynsha elimizde 5 jyl qatarynan mamandar daıyndalyp, al 2007 jyly ol jabylǵan bolatyn.
«PR mamandarynyń, qaýymdastyǵy ókilderiniń, jýrnalıstıka fakýlteti BAQ menedjmenti jarnamasy kafedrasy ustazdarynyń kúshimen byltyrǵy jyly qoǵammen baılanys mamandyǵy qaıta qalpyna keltirildi. Osyǵan baılanysty osy jazda talapkerlerdi «qoǵammen baılanys» mamandyǵy boıynsha Qazaqstandaǵy joǵary oqý oryndaryna oqýǵa qabyldaý bastalady», deıdi jýrnalıstıka fakýltetiniń dekany. Onyń aıtýynsha, osy ózgeriske saı QazUÝ-diń jýrnalıstıka fakýltetinde jumys istep kelgen BAQ menedjmenti men jarnamasy kafedrasy endi «Qoǵammen baılanys jáne jarnama» kafedrasy dep atalatyn bolady.
Reseıdiń «Sovetnık» jýrnaly men QazUÝ-dyń jýrnalıstıka fakýlteti uıymdastyrǵan dóńgelek ústel barysynda «Qazaqstandaǵy zamanaýı PR-dyń damýy», «Qazaqstandaǵy PR-bilimi», «Á-Farabı atyndaǵy QazUÝ-daǵy PR-bilimi», «Qazaqstandaǵy komýnıkatsııanyń damýy» taqyryptary sóz boldy. Sonymen qatar qatysýshylar qarasha aıynda AQSh-ta ótetin «Kópirler ornatý» konventsııasyna beıneúndeý arnady.
«Qoǵammen baılanys mamandyǵynyń qalpyna keltirilýi oń sheshim boldy. Óıtkeni ekonomıka men bıznes, saıasattaǵy oń baǵyttaǵy sheshimderdiń qabyldanýy qoǵammen baılanysqa tikeleı baılanysty», deıdi Reseıdiń «Sovetnık» jýrnalynyń Qazaqstandaǵy ókili Vladımır Pavlenko.
