Almatyda «Qazaqstandaǵy memlekettik aqparattyq saıasat: bolashaqqa kózqaras» atty respýblıkalyq konferentsııa ótti
dep habarlaıdy QazAqparat.
Respýblıkalyq konferentsııa QR Mádenıet jáne aqparat mınıstrligi, Almaty qalasynyń ishki saıasat basqarmasy, Ál-Farabı atyndaǵy QazUÝ-diń jýrnalıstıka fakýltetiniń, ıÝNESKO kafedrasynyń, aımaqtyq áriptester jáne «Áriptes» atty úkimettik emes uıymdardyń Almaty Konfederatsııasynyń (AKNO) uıymdastyrýymen ótti.
Ál-Farabı atyndaǵy Qazaq ulttyq ýnıversıtetiniń baspa isi jáne redaktsııalaý kafedrasynyń dotsenti Almagúl Qurmanbaevanyń aıtýynsha, jýrnalıstıka fakýlteti 1 jyl boıy QR Mádenıet jáne aqparat mınıstrliginiń jobasy aıasynda elimizdiń jeti aımaǵynda Astana men Almaty qalalarynda, Almaty, Jambyl, Ońtústik Qazaqstan, Oral jáne Shyǵys Qazaqstan oblystarynda Qazaqstandaǵy memlekettik aqparattyq saıasaty týraly áleýmettik zertteý júrgizgen.
«Bul aımaqtarda aqparattyq keńistiktiń ósý dınamıkasy zerttelip, jýrnalıstıka fakýltetiniń jetekshi professorlary, dotsentteri jýrnalısterge arnap synyp-sheberligin ótkizdi.
«Elimiz álemge tanymal bolýda, sondyqtan jas jýrnalısterdi memlekettik aqparattyq saıasatqa úıretý kerek. Bizdiń atqaryp jatqan is-sharalarymyzdyń maqsaty - memlekettik aqparattyq saıasatty durys jolǵa qoıý, jýrnalıst qaýymyna durys baǵyt-baǵdar berý bolyp tabylady», deıdi Almagúl Qurmanbaeva. Onyń aıtýynsha, buqaralyq aqparat quraldarynda memlekettik saıasattyń basymdyǵyn kórsetý maqsatynda aqparattyq tehnologııany paıdalaný týraly oqytý modýli men ádistemelik quraldar daıyndalyp jatyr.
Jıyn barysynda respýblıkalyq konferentsııanyń baǵdarlama jobasy usynyldy. Jobanyń naqty málimetteri 2010 jyldyń qańtar aıynyń basynda jarııalanatyn bolady.
