Almatyda Qazaqstandaǵy kóptildi bilim berý júıesiniń negizderi men tájirıbesi talqylanady
ASTANA. QazAqparat - Búgin Almatyda Ǵylym ordasynyń Májilis zalynda Qazaqstan Respýblıkasy Bilim jáne ǵylym mınıstrligi Ǵylym komıteti Ahmet Baıtursynuly atyndaǵy Til bilimi ınstıtýty QR BǴM ókiliniń qatysýymen "Qazaqstandaǵy kóptildi bilim berý júıesi: ǵylymı negizderi men tájirıbesi" atty dóńgelek ústel ótkizedi, dep habarlady QR BǴM baspasóz qyzmeti.
Sharanyń maqsaty - qazaq til bilimindegi, otandyq lıngvıstıka, t.b. gýmanıtarlyq ǵylym salalaryndaǵy kóptildilikke, Qazaqstandaǵy úshtildilik, úshtildi bilim berýge qatysty ǵylymı oı-izdenisterdi, olardyń nátıjesin qalyń jurtshylyqqa nasıhattaý, sonymen birge úshtildi bilim berý saıasatyn júzege asyrýshy resmı oryndarǵa osy problema boıynsha tıimdi sheshimder shyǵarýǵa yqpal etetin usynystar ázirleý.
Dóńgelek ústelge Astana jáne Almaty qalalary ǵylymı zertteý ortalyqtarynyń, JOO-nyń zertteýshileri men oqytýshylary, ádistemeshiler, mektep muǵalimderi men QR-nyń bilim berý saıasatyn júzege asyrýshy memlekettik organ mamandary, izdenýshi magıstranttar men doktoranttar, BAQ ókilderi qatysady.
Dóńgelek ústelde QR Bilim jáne ǵylym mınıstrligi Mektepke deıingi jáne orta bilim departamentiniń dırektory J.A.Jontaeva «Orta bilim berýdiń jańartylǵan mazmuny», «Nazarbaev Zııatkerlik mektepteri» DBBU, Bilim berý baǵdarlamalary ortalyǵy fılıaly, bólim bastyǵy, t.ǵ.k. Á.Janısov pen osy mekemeniń Bilim berý baǵdarlamalary ortalyǵy fılıalynyń bólim bastyǵy J.Ábýov «Nazarbaev Zııatkerlik mektepteriniń úsh tilde bilim berý tájirıbesi», A.Baıtursynuly atyndaǵy Til bilimi ınstıtýtynyń bas ǵylymı qyzmetkeri, f.ǵ.d., professor N.Ýálı «Qazaqstandaǵy úshtildiliktiń búgingi ózekti máseleleri», osy mekeme dırektorynyń orynbasary A.Fazyljanova «Kóptildilik jáne ana tili», Fılosofııa, saıasattaný jáne dintaný ınstıtýtynyń bas ǵylymı qyzmetkeri, saıas.ǵ.d., professor R.Qadyrjanov «Kóptildilik jáne biregeılik <lat. identifico>», Súleımen Demırel atyndaǵy ýnıversıteti «Til, mádenıet jáne kommýnıkatsııa» ǵylymı-zertteý zerthanasynyń meńgerýshisi, f.ǵ.d., professor Z.Ahmetjanova «Kóptildi bilim berý jáne qazaq tiliniń ómirsheńdigi <lat. vitalite>» atty taqyrypta baıandama jasaıdy.
Dóńgelek ústel barysynda kóptildilik jáne kóptildi bilim berý, kóptildiliktiń tiltanymdyq, pedagogıkalyq, psıhologııalyq aspektileri, Qazaqstan Respýblıkasyndaǵy kóptildi bilim berýdiń áleýmettik-mádenı, saıası, ǵylymı negizderi men tájirıbesine qatysty máseleler talqylanady.
Dóńgelek ústel jumysynyń sońynda qatysýshylar elimizde úshtildi bilim berýdi júzege asyrýshy resmı organdarǵa usynystar ázirleıdi (usynystardy sharanyń uıymdastyrýshysy rásimdeıdi), qarar qabyldaıdy, BAQ ókilderine suhbat beredi.
