Almatyda «Qazaqstandaǵy qaıyrymdylyq» atty birinshi halyqaralyq ǵylymı-tájirıbelik konferentsııa ótedi

Bul jaıynda búgin arnaıy ótken baspasóz máslıhatynda aıtyldy, dep habarlaıdy QazAqparat.

Atalmysh sharany «Baýyrjan» qoǵamdyq qory men «Aıala» qaıyrymdylyq qory uıymdastyrmaq.

«Konferentsııany ótkizýdegi basty maqsatymyz - elimizdegi qaıyrymdylyqty damytý máselelerin jete túsiný jáne áleýmettik saıasat pen qaıyrymdylyq salalarynda jumys isteıtin halyqaralyq mamandar men ǵalymdardyń ózara tájirıbe almasýyn qamtamasyz etý», deıdi «Baýyrjan» qoǵamdyq qorynyń prezıdenti Juldyz Omarova.

Sondaı-aq ol ÚEU-ǵa áleýmettik mańyzdy máselelerdi sheshýine jaǵdaı jasaý kerektigin aıtady. «Mysaly, Shevron sııaqty úlken kompanııalar qarjylaı kómekteskisi keledi, sondyqtan olarǵa BAQ, salyq salý turǵysynan kómektesken jón», deıdi J.Omarova.