Almatyda Qazaqstandaǵy ıslam ǵylymy men mádenıetiniń damý kezeńderi taldanýda
ALMATY. 25 qyrkúıek. QazAqparat - Búgin Almatyda «Qazaqstandaǵy ıslam ǵylymy men mádenıetiniń HІІ ǵasyry» dep atalatyn halyqaralyq ǵylymı-tájirıbelik konferentsııa ótip jatyr.
Bul máslıhatty Ramazan Súleımenov atyndaǵy Shyǵystaný ınstıtýty, QR Joǵary oqý oryndary qaýymdastyǵy jáne «Turan» ýnıversıteti birlesip uıymdastyryp otyr. R. Súleımenov atyndaǵy Shyǵystaný ınstıtýtynyń dırektory Ábsattar Derbisáliniń aıtýynsha, atalmysh konferentsııanyń maqsaty - Qazaqstandaǵy ıslam ǵylymy men mádenıetiniń damý kezeńderine taldaý jasaý. Sondaı-aq álemdegi ıslam ǵylymy men mádenıetiniń budan ary qaraı damý kezeńderin anyqtaý jáne qazirgi zamannyń syn-tegeýrinderine jaýap qaıtarý bolyp tabylady. Oǵan Qazaqstan, Ózbekstan, Ázirbaıjan, Mysyr jáne Reseı ǵalymdary qatysýda. Konferentsııanyń sektsııalyq májilisteri: «Qazaqstandaǵy ıslam mádenıetiniń damýyndaǵy negizgi kezeńderi. Qazaqsan jáne musylman álemi: dástúrli baılanystardy qalpyna keltirý», «Qazaqstan dáne Ortalyq Azııanyń tarıhy men mádenıeti boıynsha agıografııalyq jazba derekkózder. Qazaqstandaǵy arabografııalyq jazý mádenıeti. Kitabılyqtyń jaıylýy men damýynyń negizgi kezeńderi», «Islam ǵylymynyń batys órkenıetine tıgizetin yqpaly: musylman álemi jáne batys tujyrymdamasyna oraı» degen taqyryptar boıynsha ótýde.
