Almatyda «Qazaqstandaǵy franchaızıng 2011» ІV halyqaralyq kórmesi ashyldy

Aldyńǵy ótkizilgen kórmelerdiń nátıjesinde elimizdegi kásipkerler men damý ınstıtýttarynyń franchaızıngke qyzyǵýshylyǵy artqan. Tek sońǵy 5 jyl ishinde sheteldik brendter sany 30-dan 500-ge deıin ulǵaıǵan.

Franchaızıng bul - naryq sýbektileri arasyndaǵy, atap aıtqanda, bir taraptyń ekinshi tarpqa tólem arqyly belgili bir bıznes túrin, onyń daıyndalǵan bıznes-úlgisin saqtaı otyryp júrgizýge beriletin quqyq.

Jıyn barysynda «Damý» kásipkerlikti damytý qorynyń basqarma tóraǵasy mindetin atqarýshy Asqar Esimov «Franchaızıngilik qatynastar qatysýshylaryna memleettik qoldaý» taqyrybynda baıandama jasap, jańadan qurylǵan Ulttyq ortalyqtyń maqsat, mindetterine toqtaldy. Sonymen birge ol 2011 jyldan bastap «Bıznes-Keńesshi» baǵdarlamasy aıasynda kásipkerliktiń jedel kýrstaryna Franchaızıng ortalyǵymen birlesip jeke bólim engizý josparlanyp otyrǵandyǵyn jetkizdi. «Osy arqyly baǵdarlama tyńdaýshylaryn franchaızıngtik qatynastardyń negizigi qaǵıdalaryna oqytyp-úıretýge jáne óńirlerde keńinen nasıhattaýǵa múmkindik týady. Jalpy álemdik tájirıbe kórsetip otyrǵandaı, bul bıznestiń tıimdi damý ádisi bolyp otyr. Qazaqstandaǵy franchaızıngtiń damýyn 1994 jyly «Coca Colla» zaýytynyń paıda bolýynan bastap baqylaýdamyz. Sodan beri eldiń tutynýshylary sheteldik taýarlardyń túrli markalardyn alýǵa múmkinshiligi boldy», -deıdi A. Esimov.

Elimizde mundaı kórme alǵash 2005 jyly ótkizilgen. Sodan beri 600-den astam franchaızıng kelisimderi jasalynǵan. Eger 2007 jyly franchaızıng aınalymy jylyna 500 mıllıon AQSh dollaryn qurasa, búgingi tańda bul kórsetkish 1 mıllıard dollarǵa jetken.

Sondaı-aq jıyn barysynda «Damý» qory men Franchaızıng odaǵy arasynda ózara yntymaqtastyq týraly Memorandýmǵa qol qoıyldy.