Almatyda Qazaqstandaǵy eriktiler qyzmetin damytý máseleleri talqylandy
ALMATY. Jeltoqsannyń 8-i. QazAqparat /Erbol Azanbek/ - Búgin Almatyda «Eriktiler qyzmetiniń damýy: halyqaralyq tájirıbe» atty konferentsııa ótti,
dep habarlaıdy QazAqparat.
«Konferentsııanyń negizgi maqsaty Qazaqstanda jumys isteıtin halyqaralyq eriktiler uıymdarynyń jumys ádistemsin zertteý jáne Qazaqstanda eriktiler qyzmetin damytý úshin halyqaralyq tájirıbeni qoldaný máselelerin kóterý», deıdi sharany uıymdastyrýshylar.
«Eriktiler - demokratııalyq elderdegi eń úlken jumys kúshteri sanalady. Sońǵy ýaqytta Qazaqstanda kóptegen eriktiler uıymdary quryldy. Alaıda kópshiligi tek qaǵaz júzinde jumys jasaıdy. Ázirshe áleýmettik jobalar boıynsha jumys jasaıtyn bul uıymdardy bilim, ekologııa nemese memlekettik organdar uıymdastyratyn sharalar tolǵandyrmaıdy», deıdi Public Association BOLASHAK basqarma tóraǵasy Farhad Qasenov.
Konferentsııa barysynda elimizde eriktiler qyzmetin damytý, aqparattyq qoldaý, azamattardyń qoǵamǵa kómegin tıgizý nıetin oıatý máseleleri talqylandy.Sharaǵa BUU eriktiler uıymy, Beıbitshilik korpýsy uıymdary men memlekettik emes uıymdardyń ókilderi qatysty. Sharany «Bolashaq» Respýblıkalyq qaýymdastyǵy BUU-men birlesip ótkizdi.
