Almatyda «Qazaqstan - júregimde» óner festıvali ótti
ALMATY. QazAqparat Almatyda ótken «Qazaqstan - júregimde» óner festıvalinde ózge ult ókilderi qazaqtyń ánin shyrqap, bıin bıledi, dep habarlaıdy QazAqparat tilshisi.
«Bul festıval Qazaqstanda turyp jatqan júzdegen etnos ókilderiniń qazaq halqynyń óneri men mádenıetin qanshalyqty biletinin kórsetedi. Abaıdyń «ózge tildi bilgen adam sol halyqqa jaqyn, erkin bolady» degen sózi bar», - deıdi qalalyq jastar saıasaty máselesi jónindegi basqarma ókilderi.
Sahnada túrik, uıǵyr, ózbek ultynyń ónerpazdary óner kórsetti. «Nam son» káris toby, «Intızar» uıǵyr bı toby, «Dolan» uıǵyr bı tobynyń qyzdary myń buralyp qazaq bıin bıledi.
Eń kishkentaı qatysýshy, halyqaralyq baıqaýlardyń jeńimpazy Kaıratjanqyzy Amanısa «Qýyrshaq» bıin bılep kórermendi tańqaldyrdy.
Sondaı-aq, qazylar alqasy keshtiń júrgizýshisi Olga Kolesnıkovanyń qazaq tilin erkin meńgergendiginiń arqasynda kesh óte joǵary deńgeıde ótkenin atap ótti. 
Ánshilerdiń ishinde 1- oryndy ulty túrik Dýndar Semıh, 2-oryndy orys qyzy Semenova Anastasııa, 3-oryndy ázirbaıjan jigiti Mamedov Azız ıelendi.
Qazylar alqasy «Nam son» káris bıshileriniń ónerin 1-orynǵa laıyq dep tapsa, 2-orynǵa «Intızar» uıǵyr ulttyq ansambli, 3-orynǵa «Dolan» bı toby taban tiredi.
