Almatyda Qazaqstan juldyzdarynyń kontserti bolady
ALMATY. 2 sáýir. QazAqparat - Almatyda 5-6 sáýir kúnderi Respýblıka saraıynda Respýblıkalyq Ulannyń 20 jyldyǵyna arnalǵan Qazaqstan estrada juldyzdarynyń kontserti ótedi.
Oǵan Aıman Musaqojaeva, Nurlan Ónerbaev, Arystanbek Muhamedııauly, Murat Shalabaev, Dosymjan Tańatarov, Ardaq Balajanova, Elmura Janabergenova, Klara Tólenbaeva men «Beles», «Alaman», «Ǵasyr» toptary sııaqty túrli óner sheberleri qatysady.
Respýblıkalyq ulan 1992 jyly 16-naýryzda QR Prezıdenti Jarlyǵymen Almaty oblysy Qarasaı aýdanyndaǵy Kroasnyı Vostok kentinde ornalasqan Іshki áskerlerdiń shuǵyl maqsattaǵy jeke brıgadasy negizinde quryldy. 1995 jyldyń 5 jeltoqsanynda Elbasy «Respýlıkalyq ulan týraly» Zań kúshi bar Jarlyqqa qol qoıdy. Onda Respýblıkalyq ulannyń tikeleı QR Prezıdentine baǵynatyny jáne QR Qarýly Kúshteri quramyna kirmeıtini aıqyndaldy. Respýblıkalyq ulan Memleket basshysy jáne basqa da kúzetiletin tulǵalardyń qaýipsizdigin qamtamasyz etedi, joralǵylyq rásimderge qatysady, tizbesin Qazaqstan Respýblıkasynyń Prezıdenti bekitetin asa mańyzdy nysandardy, ǵımarattar men qyzmettik úı-jaılardy kúzetedi.
