Almatyda Qazaqstan jazýshylarynyń sezi ótýde
ALMATY. 24 qyrkúıek. QazAqparat - Jazýshylar árqashan nıettes bolyp, qoǵamnyń pikirin bildirýi, halyqtyń daýysy bolýy kerek.
Óıtkeni barlyq memlekettik ıdeologııa jazýshylar shyǵarmashylyǵynyń ózegi arqyly tanylady.
Bul týraly búgin Almaty qalasynda QR Jazýshylarynyń odaǵynyń kezekti XIV sezinde QR Memlekettik hatshysy Muhtar Qul-Muhammed málimdedi. Ol sondaı-aq Qazaqstan Respýblıkasynyń Prezıdenti Nursultan Nazarbaevtyń quttyqtaý hatyn oqydy.
Sezde zamanaýı ulttyq ádebıetti damytýdyń odan ári baǵyty talqylanyp, belgilenýde. Aldaǵy forýmda shyǵarmashylyq jazýshylyq zııaly qaýym qandaı da bir másele boıynsha óz oılaryn aıtyp, olardy jalpyǵa ortaq talqylaýǵa usyna alady. Sońǵy bes jylda atqarylǵan jumysqa baǵa beriledi, aldaǵy besjyldyqqa josparlar belgilenedi. Árbir janr boıynsha baıandamalar tyńdalyp, jaryqqa shyqqan kitaptar men basylymdar talqylanady. Basqarma músheleri daýys berý ádisimen tóraǵany jáne hatshylyqtyń quramyn saılap, bekitedi.
«Memleket jazýshylardy árqashan qoldaıdy - biz bul qoldaýdy Jazýshylar odaǵynyń qoǵamdyq uıym bolǵanyna qaramastan sezinýdemiz», - dep málimdedi Qazaqstan Jazýshylar odaǵynyń múshesi, aýdarmashy aqyn Almat Isadilov.
Sezd jumysyna respýblıkamyzdyń túkpir-túkpirinen kelgen Qazaqstan jazýshylary odaǵynyń músheleri qatysýda.
