Almatyda Qazaqstan-Japonııa pedıatrııalyq leıkemııa ortalyǵy qurylady
ASTANA. Shildeniń 3-i. QazAqparat - QR Densaýlyq saqtaý mınıstrligi men Japonııanyń jeke qarjy bastamasy qaýymdastyǵy Almatyda Qazaqstan halyqaralyq pedıatrııalyq leıkemııa ortalyǵyn qurýǵa kelisti, dep habarlaıdy Densaýlyq saqtaý mınıstrliginiń baspasóz qyzmeti.
«Búgin Densaýlyq saqtaý mınıstrliginde vedomstva basshysy Jaqsylyq Dosqalıev pen Japonııa Jeke Qarjy Bastamasy Qaýymdastyǵynyń ókili Kazýo Ýeda Almaty qalasynda Qazaqstan halyqaralyq pedıatrııalyq leıkemııa ortalyǵyn qurý týraly Memorandýmǵa qol qoıdy», - dep kórsetilgen búgin taratylǵan baspasóz paraǵynda.
J.Dosqalıev, Qazaqstan men Japonııa dárigerleri arasyndaǵy yntymaqtastyqtyń óte joǵary deńgeıde ekendigin, «kóptegen qazaqstandyq ǵalymdardyń Japonııada bilimderin damytyp qaıtqanyn», sáýle jáne sonyń saldaryna baılanysty syrqattardy emdeýge mamandandyrylǵan Hırosıma ýnıversıtetimen tyǵyz qatynas ornaǵanyn da atap ótti.
Memlekettik-jeke áriptestik tetigi negizindegi yntymaqtastyq, «qazaqstandyq dárigerlerdiń japondyq áriptesterimen qarym-qatynasty burynǵydan jandandyra túsetinine senimdimin», - dedi mınıstr J.Dosqalıev.
