Almatyda Qazaqstan velosportyna arnalǵan velosherý ótedi
ALMATY. 19 shilde. QazAqparat /Erlik Erjanuly/ - Almatyda 24-shilde kúni qazaqstandyq kásipqoı "Astana" veloklýby men onyń kapıtany Aleksandr Vınokýrovtyń qurmetine velosherý ótedi. "Týr de Frans" kópkúndiginiń aqyrǵy jarys kúni bolatyn bul sharany Almaty veloklýby uıymdastyryp otyr.
Ol Baýyrjan Momyshuly kóshesinen bastalyp Abaı dańǵyly boıymen Ortalyq stadıonyń soltústik qaqpasynda sórege jetpek.
2000 jyly Sıdneıde ótken Olımpıada oıyndarynda kúmis júldeger atanǵan A. Vınokýrov kásipqoı sportta buǵan deıin Týr de Frans kópkúndigi kezeńderiniń birneshe dúrkin jáne Výelta, Parıj-Nıtstsa, Dauphine Libere kópkúndikteri men birkúndik Lej -Baston-Lej, Amstel Gold Reıs jarystarynyń jeńimpazy atanǵan edi. Bıyl "Týr de Frans" kópkúndiginiń kezekti kezeńdik jarystarynda jaraqat alǵan qazaqstandyq shabandoz jarys jolynan erte shyǵyp qalǵan edi. Keshe úlken sporttan ketetinin málimdegen ol aldaǵy ýaqytta óziniń osyǵan deıin jınaǵan barlyq bilimi men tájirıbesin "Astana" veloklýbynda jetekshilik qyzmette paıdalanýy múmkin.
