Almatyda Qazaqstan-Túrkııa qatynastaryna arnalǵan jıyn ótti
ALMATY. QazAqparat - Almatyda El Táýelsizdiginiń 25 jyldyǵyna baılanysty Qazaqstan-Túrkııa qarym-qatynastary taqyrybynda dóńgelek ústel májilisi ótti, dep habarlaıdy QazAqparat tilshisi.
Sharany Qoja Ahmet ıAsaýı atyndaǵy halyqaralyq qazaq-túrik ýnıversıteti, Eýrazııa ǵylymı-zertteý ınstıtýty men ál-Farabı atyndaǵy Qazaq ulttyq ýnıversıtetiniń Shyǵystaný fakýlteti «Túriksoı» kafedrasy uıymdastyrdy.
Jıynǵa Qazaq ulttyq akademııasynyń akademıgi Dosmuhamed Kishibekov, Eýrazııa ǵylymı-zertteý ınstıtýtynyń dırektory, ekonomıka ǵylymdarynyń doktory Nevzat Shıshmek pen Túriksoı kafedrasynyń meńgerýshisi Erden Qajybek jáne ǵalymdar men JOO stýdentteri qatysty.
«Qazaqstan táýelsizdigine alǵashqy lekte ınvestıtsııa quıǵan Túrkııa qazirgi tańda Qazaqstanǵa ınvestıtsııa salý jaǵynan tórtinshi oryndy ıelenedi. 1992 jyly ekijaqty saýda aınalymy 30 mln dollardy qurasa, 2015 jyly bul kórsetkish 1 mlrd 850 mln dollarǵa jetip otyr. Eki eldiń memleket basshylary saýda aınalymyn 10 mlrd dollarǵa deıin jetkizýdi maqsat tutady», - dedi Eýrazııa ǵylymı-zertteý ınstıtýtynyń dırektory, ekonomıka ǵylymdarynyń doktory Nevzat Shıshmek.
Dóńgelek ústel barysynda Qazaqstan Respýblıkasynyń táýelsizdik jyldaryndaǵy saıası, ekonomıkalyq áleýmettik jetistikteri sóz etildi.
Jıynda sóz alǵan akademık Dosmuhamed Kishibekov Túrkııanyń baýyrlas el ekenin sóz etti.
«30-jyldary elden ketýge májbúr bolǵan qazaqtar aýǵan, Iran asyp, Túrkııaǵa baryp esin jıdy. Ony umytýǵa bolmaıdy. Keshegi táýelsizdikti alǵan kezimizde alǵash bizdiń egemendikti moıyndaǵan da Túrkııa boldy. Elbasy Nursultan Nazarbaevtyń kóp vektorly saıasaty arqasynda biz aǵaıyn Túrkııamen de terezesi teń el atandyq», - dedi D.Kishibekov.
