Almatyda Qazaqstan teatrlarynyń búgini men bolashaǵy talqylanady
ALMATY. 25 naýryz. QazAqparat - Almatyda 26 naýryz kúni «M.Áýezov úıi» ǵylymı-mádenı ortalyǵynda «Qazaqstan teatrlary: búgin jáne bolashaǵy» dep atalatyn respýblıkalyq ǵylymı-tájirıbelik konferentsııa ótedi.
Ol Halyqaralyq teatr kúnine jáne Qazaqstan teatr qaıratkerleri odaǵynyń 50 jyldyq mereıtoıyna arnalyp otyr. Máslıhatty uıymdastyrýshy M.Áýezov atyndaǵy ádebıet jáne óner ınstıtýty men Qazaqstan Teatr qaıratkerleri odaǵy. Konferentsııa jumysyna belgili teatrtanýshy ǵalymdar men teatrlardyń bas mamandary jáne kórshi memleketterden shaqyrylǵan qonaqtar qatyspaq. Basqosýda talqylanǵan baıandamalar jınaq bolyp basylyp shyǵarylady dep josparlanýda. Onda myna máseleler talqylanbaq: teatr jáne syn; teatr jáne rejıssýra; teatr jáne dramatýrgııa; teatr jáne akterlik sheberlik; teatr jáne stsenografııa.
