Almatyda «Qazaqstan tarıhyndaǵy Koreıa» taqyrybynda dóńgelek ústel ótti
ALMATY. QazAqparat - Búgin Almatydaǵy Dostyq úıinde "Qazaqstan tarıhyndaǵy Koreıa" taqyrybynda dóńgelek ústel uıymdastyryldy.
Qazaqstandaǵy kárister qaýymdastyǵy men Koreıanyń beıbit jáne demokratııalyq birigýi jónindegi keńes uıymdastyrǵan sharaǵa stýdentter, dıplomatııalyq korpýstyń ókilderi, Almatydaǵy etnomádenı birlestikterdiń ókilderi qatysty.
Otyrys barysynda saıasatkerler dúnıedegi ekige aıyrylǵan jalǵyz el - Koreıanyń geosaıası ahýaly týraly áńgime órbitti.
"Osydan 150 jyl buryn bizdiń ata-babalarymyz Qıyr Shyǵysqa qonystandy. 1937 jyly Stalın rejimi kezinde kárister Tynyq muhıtynan Qazaqstannyń jazyq dalasyna kóshirile bastady. Biz sodan beri qazaq halqymen birge birlik pen dostyqtyń dańǵyl jolyn júrip óttik. Qazaqstan táýelsizdigin alǵan kezde KHDR memleketimen dıplomatııalyq qarym-qatynas ornatty. Bul Qazaqstan káristeriniń tarıhı otanymen baılanysyn nyǵaıtýǵa septigin tıgizdi", - dedi Koreıanyń beıbit jáne demokratııalyq birigýi jónindegi keńestiń 16 shaqyrylymynyń múshesi, tarıh ǵylymdarynyń doktory German Kım.
