Almatyda Qazaqstan, Ózbekstan, Iran sýretshileriniń kórmesi ótip jatyr
ALMATY. 24 aqpan. QazAqparat /Názıra Eleýhan/ - Búgin Almatyda Kórkem kórmeler men aýktsıondar dırektsııasynda Qazaqstan, Ózbekstan, Iran sýretshileriniń «Kerýen» kórmesi ashyldy.
Atalmysh sharanyń uıymdastyrýshylary - «Art Kaıýr» galereıasy. Kórmege álemge tanymal, zamanaýı Ózbekstan sýretshileri - Atahan men Sardor Allabergenovtardyń, Anvar Bahteev, Isfandııar Haıdarovtyń, ırandyq sýretshi Dodashıdiń, sonymen qatar, Qazaqstan men Ózbekstannyń ardager sýretshileri - Nadejda Kashınanyń, Borıs Brynskııdiń, Vladımır Santalovtyń jáne taǵy da basqa qylqalam sheberleriniń týyndylary qoıylǵan.
Kórme 7 naýryzǵa deıin jalǵasady. Kirý - tegin.
