Almatyda Qazaqstan men Qytaı óńiraralyq yntymaqtastyq forýmy ótýde
Forým taqyryby - «Ónerkásiptik kooperatsııa». Maqsaty - ónerkásiptik kooperatsııa, ınvestıtsııalardy tartý jáne Qazaqstannyń eksporttyq áleýetin iske asyrý baǵytyndaǵy Qazaqstan men Qytaıdyń óńiraralyq jáne shekaramańy yntymaqtastyǵyn damytý.
«Іskerlik baılanystardy damytý úshin barlyq qajetti jaǵdaılar jasaldy, qytaılyq bıznes ókilderine vızalyq rásimder jeńildetildi. Yntymaqtastyqty odan ári damytý úshin ónerkásiptik kooperatsııany belsendi damytý qajet dep sanaımyn. Búgingi tańda biz yntymaqtastyǵymyzdyń jemisin kórip otyrmyz. QR Úkimeti men QHR Úkimeti arasyndaǵy ındýstrııalandyrý jáne ınvestıtsııalar salasyndaǵy yntymaqtastyqty nyǵaıtý jónindegi kelisim aıasynda 27 mlrd dollarǵa 55 joba júzege asyrylýda. Onyń ishinde ótken úsh jylda 12 joba júzege asyryldy», - dedi QR Premer-Mınıstriniń birinshi orynbasary-Qarjy mınıstri Álıhan Smaıylov.
Ol sondaı-aq, sońǵy úsh jylda Qazaqstanǵa 300 myńnan astam qytaı týrısi kelgenin, óz kezeginde Qytaıǵa Qazaqstannan 500 myńnan astam týrıst barǵanyn atap ótti. Qytaı tarapynan forýmǵa QHR Memlekettik keńesiniń birinshi vıtse-premeri Han Chjenao qatysýda.
Forým Qazaqstan men Qytaı óńirlerinde baılanys ornatýǵa jáne ózara tıimdi yntymaqtastyqty keńeıtýge múmkindik beredi. Forým aıasynda ındýstrııalandyrý jáne ınvestıtsııalar, aýyl sharýashylyǵy, kólik jáne logıstıka salalaryn jetildirýge arnalǵan 3 paneldik sessııa ótedi.
Á. Asqar