Almatyda Qazaqstan men AQSh damýǵa resmı kómek salasyndaǵy yntymaqtastyqty talqylady
Kezdesý barysynda damýǵa resmı kómek (DRK) salasyndaǵy yntymaqtastyqtyń ózekti máseleleri jáne ózara is-qımyldyń áleýetti baǵyttary, sonyń ishinde «KazAID» Agenttiginiń qyzmetkerleri úshin tájirıbelik semınarlar men biliktilikti arttyrý kýrstaryn uıymdastyrý máseleleri talqylandy.
R.Joshybaev qazaqstandyq DRK júıesin qalyptastyrý boıynsha QR SІM-niń júrgizgen jumysy, Qazaqstannyń sheteldik donorlarmen yntymaqtastyqta sońǵy birneshe jyl ishinde iske asyrǵan pılottyq jobalary, sonymen qatar bul saladaǵy ulttyq operatordyń qurylǵany týraly habardar etti. Budan ózge, QR SІM ókili Aýǵanstannyń áleýmettik-ekonomıkalyq qalpyna kelýi jáne memlekettik basqarý, bilim berý, densaýlyq saqtaý jáne aýyl sharýashylyǵy men t.b. salalaryn damytýǵa baǵyttalǵan Qazaqstannyń AIR-ǵa turaqty túrde kórsetip jatqan kómegi týraly áńgimelep berdi.
Óz kezeginde, «USAID» ókili «KazAID» agenttiginiń qurylǵanyn jyly qabyldap, ulttyq DRK júıesin damytý úshin tehnıkalyq kómek kórsetýge jáne onyń pikirinshe, Ortalyq Azııa men Aýǵanstanda turaqtylyqty nyǵaıtýǵa úles qosa alatyn bul saladaǵy tájirıbemen bólisýge ázirligin bildirdi. Sonymen qatar, H.Pedra atalǵan elderge olardyń damýy maqsatyndaǵy Qazaqstannyń kómek kórsetýi boıynsha kúsh-jigerin joǵary baǵalady.
Qazaqstandyq tarap Ortalyq Azııa elderi men Aýǵanstanda halyqqa qyzmet kórsetý ortalyqtaryn qurý, elektrondy Úkimet júıesin endirý, shekara mańyndaǵy saýdany damytý, sondaı-aq taza aýyz sýmen qamtamasyz etý, sý resýrstaryn tıimdi paıdalaný jáne t.b. jobalardy birlese iske asyrý múmkindikterin qarastyrýdy usyndy.
Kezdesý qorytyndysy boıynsha taraptar DRK salasyndaǵy yntymaqtastyqty odan ári tereńdetýge, sonyń ishinde jaqyn arada bul saladaǵy yntymaqtastyqty sapaly jańa deńgeıge jetkizýge múmkindik beretin Qazaqstan men AQSh Agenttikteriniń arasyndaǵy ózara túsinistik týraly Memorandýmǵa qol qoıýǵa ýaǵdalasty.
